ჩვენ გვიყვარს საქართველო... 

ჯობია მართლა არამზადა იყო ნამდვილი,

ვიდრე ტყუილად არამზადას ხალხმა გადაროს...

ბედნიერებაც აღარ არის მაშინ ადვილი

თუ ეს ცხოვრება სხვის ჭკუაზე უნდა ატარო.

რატომ შემიქეს აწყვეტილი გრძნობა დამთქმელი?!

სხვისი აზრები რატომ უნდა გახდეს საჩვენო?!

თავად ცოდვილებს ჩემს ცოდვებზე რა აქვთ სათქმელი,

ან რად ცდილობენ შავი თეთრად რომ მომაჩვენონ?!

მე იგივე ვარ და ვინც მადებს მძიმე ბრალდებას,

მხოლოდ თავს ამხელს, მე კი ვრჩები უზიანები,

სულით მდაბლების განზრახვა კი მალიმალდება

და მსაჯულებენ თავად სულით კუზიანები.

პატივაყრილებს სურთ პატივი სხვასაც აჰყარონ

და მოგვაჩვენონ ეს ქვეყანა ცოდვილთ სამყაროდ.