Name: უცნაურები და სასაცილოები
Item: უცნაურები და სასაცილოები
Author: adamiani

მთავარი » » უცნაურები და სასაცილოები

16:05

უცნაურები და სასაცილოები

ბოლო დროს, საქართველოში არსებულ პრობლმებზე ვწერ. გადავწყვიტე, ცოტა განვიმუხტოთ და გასამხიარულებლად, საინტერესო, უცნაურ და სახალისო ამბებს დავწერ. მაშ ასე:

პლასტიკური ოპერაციებით ქალი გინესის წიგნის რეკორდსმენი გახდა

55 წლის ამერიკელ სინდი ჯონსონს სულ 52 პლასტიკური ოპერაცია აქვს გაკეთებული, რის წყალობითაც იგი გინესების წიგნში მოხვდა.
სინდი ოჰაიოში დაიბადა და ამჟამად, ინგლისში, სილამაზის კლინიკაში კონსულტანტად მუშაობს. პლასტიკური ოპერაციებით მან უდიდესი პოპულარობა მოიპოვა და გამოუშვა წიგნი, სახელწოდებით "ცოცხალი ბარბი".
სინდიმ ფეხებისა და მუცლის არეში რამდენიმე ლიპოსაქცია გაიკეთა, ასევე ქუთუთოებისა და ცხვირის პლასტიკა, ხუთჯერ გადაიჭიმა სახე და ბოტოქსის მრავალი ინიექცია გაიკეთა. ასაკი მას მხოლოდ ხელებზე ეტყობოდა, მაგრამ მან ეს პრობლემაც გადაჭრა.
სინდი ჯონსონმა პირველი პლასტიკური ოპერაცია 1970 წელს გაიკეთა ცხვირზე და მას შემდეგ არ გაჩერებულა.

კაცი ნახატზე დაქორწინებას აპირებს
პოლონელი ტომაშ ურინოვიჩი საყვარელ ნახატზე დაქორწინებას გეგმავს. 37 წლის მამაკაცმა ეს გადაწყვეტილება მას შემდეგ მიიღო, რაც ნახატზე გამოსახული ქალი რეალურ ცხოვრებაში ვერ იპოვა. მის გამო პოლონელმა თითქმის მთელი მსოფლიო შემოიარა. ცნობილია, რომ ეს ქალბატონი მხატვრის ნატურა ჯერ კიდევ 1955 წელს გახლდათ.
ტომაშმა ეს ნახატი, პირველად, 2001 წელს გალერეაში ნახა და ცოტა მოგვიანებით შეიძინა კიდეც. ქალთან ერთად, ის ნახატი ავტორს, მხატვარ ანტონ კვიკსაც ეძებდა.
შეყვარებული მამაკაცის თქმით, თუ პოლონეთში ნახატზე ოფიციალურად დაქორწინების ნებას არ დართავენ, იქ წავა, სადაც ამის უფლებას მისცემენ.
აღსანიშნავია, რომ ტომაშ ურინოვიჩი მსოფლიოში პირველი ადამიანია, რომელიც ნახატზე იქორწინებს..